Жорий йилнинг 22 ноябрь куни Тошкент шаҳридаги “Заковат арена”да “Тошкент ёшларни севади” ойлиги доирасида туризмга қизиқувчи ёшлар учун соҳа мутахассислари билан навбатдаги очиқ мулоқот ўтказилди.

Туризм жаҳон иқтисодиётида даромадли ва жадал ривожланиб борувчи соҳалардан бири саналади. Бу соҳа бозорининг асосий сегментларидан бири эса – ёшлардир. Халқаро ижтимоий-сиёсий, иқтисодий ва маданий алоқаларни яхшилашда ёшлар туризмининг алоҳида ўрни бор. Шундан келиб чиққан ҳолда ташкил этилган навбатдаги очиқ мулоқотда соҳага қизиқувчи ёшлар учун бир қатор имтиёз ва имкониятлар ҳақида экспертлар томонидан маълумотлар берилди. 

Хусусан, Ўзбекистон ошпазлар уюшмаси раиси Акбар Умаров, Ўзбекистон хусусий сайёҳлик ташкилотлари уюшмаси раиси Гулчеҳра Исроилова, “HotelPro management” компанияси бош менежери Зокир Ғафуров, “Whyndham Garden” Тошкент меҳмонхонаси бош менежери Санжар Мўминов, Туризм қўмитаси Ахборот хизмати бош мутахассиси Умарбек Эсонмуродов каби спикерлар ёшларни соҳа бўйича қизиқтирган саволларига атрофлича жавоб берди ҳамда керакли маслаҳатлар улашди.