Жорий йилнинг 2 февралидан 8 февралигача Ҳиндистонда ошпазлик оламининг энг йирик мусобақаларидан бири – 11-Халқаро ёш ошпазлар олимпиадаси (Young Chef Olympiad 2025) бўлиб ўтади.

Ушбу нуфузли мусобақада Ўзбекистон Ошпазлар Уюшмаси шарафини ҳимоя қилиш учун Озод Одилов иштирокчи сифатида, тажрибали мураббий Хамдамов Ахмад эса устоз ва маслаҳатчи сифатида иштирок этмоқда.

Young Chef Olympiad – бу жаҳоннинг энг яхши ёш ошпазлари иштирок этадиган энг йирик ва нуфузли халқаро танловлардан бири бўлиб, 50 дан ортиқ мамлакатдан келган иқтидорли ёшлар ўз маҳоратларини намойиш этади. Бу мусобақа нафақат таом тайёрлаш маҳоратини синовдан ўтказиш, балки жаҳон пазандачилиги оламидаги янги тенденцияларни ўрганиш ва халқаро алоқаларни мустаҳкамлаш учун катта имкониятдир.

Биз юртимиз ва миллий ошхонамизнинг шарафини муносиб ҳимоя қилаётган жамоамизга улкан муваффақият тилаймиз! Озод Одилов ва Хамдамов Ахмадга муваффақият ва ғалаба ёр бўлсин!