2025 йил 3-7 февраль кунлари Ўзбекистон бўйлаб эксклюзив гастрономик тур доирасида, машҳур ошпаз ва Le Cordon Bleu мактаби ўқитувчиси Эрик Руппен Тошкент, Самарқанд ва Қўқон шаҳарларида ноёб мастер-класслар ўтказади.

3 февраль куни Тошкентда ушбу эксклюзив мастер-класснинг илк қисми бўлиб ўтди. Тадбир Ўзбекистон Ошпазлар уюшмаси биносида ташкил этилди. Кўзга кўринган пазандачилик мутахассиси ўз маҳорат сирларини иштирокчилар билан бўлишди ҳамда жаҳоннинг энг нуфузли ресторанларида қўлланиладиган замонавий ошпазлик техникасини намойиш этди. Тадбир Le Cordon Bleu, Ўзбекистон Ошпазлар уюшмаси ва Ўзбекистон Республикаси Туризм қўмитаси ҳамкорлигида ташкил этилди. Бу мастер-класс фақатгина уюшма талабалари ва битирувчилари учун ўзига хос имконият бўлиб, улар дунёдаги энг яхши ошпазлардан бири томонидан ўқув жараёнига гувоҳ бўлишди.

Мастер-класс иштирокчилари таълим сифати ва Эрик Руппеннинг шахсий маслаҳатлари уларнинг ошпазлик маҳоратларини янги босқичга олиб чиқишига ишонч билдиришди.

Ўзбекистон Ошпазлар уюшмаси ушбу ноёб мастер-классни ташкил этиш имкониятини яратган ташкилотчиларга миннатдорчилик билдиради. Бу тадбир Ўзбекистоннинг гастрономик маданияти ривожида муҳим қадам бўлди.