“NKMK” AJ hamda NKMK xodimlari kasaba uyushmasi Kengashi bilan kelishilgan holda “NKMK jamg‘armasi” DMning Ovqatlanish kombinatlari tomonidan xizmat ko‘rsatish sifatini yanada yaxshilash bo‘yicha chora-tadbirlar rejasi tasdiqlangan edi.

Mazkur reja asosida “NKMK jamg‘armasi” DM tomonidan O‘zbekiston Respublikasi Oshpazlar uyushmasi bilan hamkorlikda Jamg‘arma tarkibidagi oshpazlar uchun maxsus malaka oshirish kurslari tashkil etildi.

— Mazkur kurslarda oshpazlar sog‘lom va profilaktik ovqatlantirish sohasidagi yangiliklar, shuningdek, e’tibor qaratish lozim bo‘lgan jihatlar bilan tanishmoqdalar, — deydi “Uchquduq” ovqatlanish kombinati 4-oshxonasi oshpazi Nafisa Hamroyeva.

Ushbu tashabbus xodimlar malakasini oshirish, xizmat ko‘rsatish madaniyatini yuksaltirish va taqdim etilayotgan ovqatlanish sifatini yangi bosqichga ko‘tarishga xizmat qiladi.