O‘zbekiston Oshpazlar uyushmasi raisi Umarov Akbar Xamdamovich Singapurda o‘tayotgan Worldchefs Congress & Expo 2024 — 40-Jahon gastronomik kongressi va ko‘rgazmasida O‘zbekiston nomidan ishtirok etmoqda! Bu o‘ziga xos maydon bo‘lib, pazandachilik olamining barcha jihatlarini qamrab oladi: master-klasslar va ishbilarmonlik dasturidan tortib, besh qitʼaning eng yaxshi oshpazlari “Eng zo‘r” unvoni uchun kurashadigan Global Chefs Challenge pazandachilik olimpiadasining finaligacha.

Bu tadbirda iqtidorli oshpazlar, restoran va mehmonxona sohasi vakillari, mahsulot va uskunalar ishlab chiqaruvchilari, shuningdek, restoran kritiklari, jurnalistlar va yetakchi gastronomik maktablarning vakillari ishtirok etadilar. Uyushma raisi ishtirok etayotgani O‘zbekistonning jahon pazandachilik sahnasidagi ahamiyatini taʼkidlaydi.

Tadbirni Butunjahon oshpazlar xamjamiyati uyushmasi (Worldchefs) tashkil etadi, u 110 ta uyushma vakillarini birlashtirgan holda dunyo bo‘ylab 10 milliondan ortiq oshpazlarni qamrab oladi. Biz bu muhim xalqaro tadbirning bir qismi ekanligimizdan faxrlanamiz!