2024 йилнинг 22 ноябрида Ўзбекистон Ошпазлар уюшмаси ва Қозоғистон Республикаси Рестораторлар Клуби Ассоциацияси ҳамкорлик тўғрисидаги муҳим меморандумини имзоладилар. Ушбу воқеа икки давлат ўртасидаги туризмни ривожлантириш соҳасида янги босқични бошлаб берди.

Меморандум доирасида туризм салоҳиятини мустаҳкамлашга қаратилган қўшма тадбирларни амалга ошириш режалаштирилган. Бу жараёнда икки қардош давлатнинг миллий ошхона анъаналарини илгари суриш ва маданий алмашинувни ривожлантиришга алоҳида эътибор қаратилади.

Меморандумнинг имзоланиши томонларнинг фаол ҳамкорликка тайёр эканлигини ва туризм соҳасини ривожлантириш учун қулай шароитлар яратишга интилишини яққол намоён этди.

Ишонамизки, ушбу ҳамкорлик янги имкониятларни очиб беради, туристик тажрибани бойитади ва Ўзбекистон билан Қозоғистон ўртасидаги дўстона ҳамда ишбилармонлик алоқаларини янада мустаҳкамлашга ҳисса қўшади.

Ўзбекистон Ошпазлар уюшмаси ва Қозоғистон Рестораторлар Ассоциацияси ўз мақсадларига муваффақиятли эришишга ишонч билдириб, минтақа туризми ва гастрономия маданияти ривожига қизиқиш билдирувчи барча томонларни ҳамкорликка чорлайди.