O‘zbekiston Oshpazlar uyushmasida O‘zbekiston Respublikasi Turizm qo‘mitasi hamda Olmaota texnologiya-moliya va innovatsion texnika kollejida yig‘ilish bo‘lib o‘tdi.

Uchrashuvda kollejlar bilan O‘zbekiston oshpazlar uyushmasi huzuridagi Xalqaro o‘zbek pazandachilik markazi o‘rtasida o‘quvchi va o‘qituvchilar almashinuvini rivojlantirish, qo‘shma mahorat darslari va o‘quv dasturlarini o‘tkazish bo‘yicha fikr-mulohazalar bildirildi. Tomonlar talabalarning pazandachilik va mehmondo‘stlik sohasidagi bilim va ko‘nikmalarini boyitishga xizmat qiluvchi ilmiy va madaniy aloqalarni mustahkamlashdan manfaatdor ekanliklarini bildirdilar. Qozog‘iston va O‘zbekiston kollejlari o‘quvchilari o‘rtasida yosh mutaxassislarning o‘zaro tajriba almashish va oshpazlik mahoratini namoyish etish maydoniga aylanadigan oshpazlik chempionatini tashkil etishga alohida e’tibor qaratildi.

Mazkur uchrashuv ikki mamlakat ta’lim muassasalari o‘rtasida uzoq muddatli va samarali hamkorlik aloqalarini yo‘lga qo‘yish, turizm industriyasini rivojlantirish va gastronomik turizm sohasida malakali mutaxassislar tayyorlashga hissa qo‘shish yo‘lidagi katta va birinchi qadamdir.